BoLeePinkOn

就嚟冬天係時候入手護唇產品，呢隻深海溫泉水活潤唇膏非常值得一試，佢對修講護乾裂爆拆好有用，死皮同乾紋都少咗好多，搽少少就掂幾抵用！

潤唇效果一般，唔算好理想嘅滋潤程度，不過有埋顏色，搽上嘴亦都幾靚下又唔係貴，所以都值得試下嘅，加上有啲甜甜地嘅香味，感覺非常良好。

我鍾意佢啲色，閃得嚟唔誇張，只係會覺得亮澤水潤咗咁，效果自然，而且顯色度唔錯，cover得幾好，只係持久度一般隔兩三個鐘就要去補妝。

試過覺得還好，價格唔貴，質地少少黏膩但唔算過份，顏色偏淡同透明度高，有啲玻璃唇效果都幾靚嘅，整體無特別之處，唔算特別推薦，但可以一試。

呢隻高清雙效遮瑕質地幾順滑，容易推開，唔會一撻撻好厚好假，效果自然，但唔算高度遮瑕，一啲比較新嘅痘印遮得麻麻哋，但色斑同黑眼圈就效果唔錯。

雖然有少少貴但係幾好用，個包裝好靚，沐浴露氣味清新，泡沬唔算好豐厚，但OK幼滑，清潔效果良好，溫和乾淨，沖完涼唔會繃繃緊。

早論夏天都有用下呢隻茶樹控油零毛孔淨化面膜，平平地唔差幾抵玩下，用後感好爽，感到毛孔內嘅污垢清得幾乾淨下，令面色望埋去白淨不少，但就會乾咗D，油性肌比較啱用，我就會順便敷個保濕MASK補充返水份~

呢隻濟洲火山泥黑頭貼比以前用過經常見到嘅某些牌子好用，以前用果啲無論乾濕度同時間都好難掌握，搞到十塊裡面可能有四、五塊痴唔到，呢隻用起來輕鬆好多，而且效果亦更乾淨，見到一粒粒黑頭痴响鼻貼上好有滿足感。

睇返好似好多人拒絶呢隻氣味，我就覺得都係唔多好聞但又唔去到覺得難聞，總算叫接受到嘅。質地就比較厚同難推開，但滋潤度維持到好長時間，啱曬冬天用。

我覺得呢隻活性玫精華眼霜一般，OK好用但又唔至於十分值得推介，佢質地滋潤得嚟唔笠，但滲透力普通，都要用少少時間按摩先完全吸收到。

我覺得幾得意，搽上去真係有啲生果味，而且個質地幾輕盈，所以成個感覺係好清新，改善膚色效果唔錯，望落係健康同自然嘅，不過遮瑕力就一般。

質地同效果一般還好，個掃太細啦，唔係咁易控制用量，要搽得均真係要返咁上下技術先掂，優點係顏色靚，選擇多又夠平，細細支啱我呢啲唔係成日用嘅人。