BoLeePinkOn

其實係咪話一定要買呢？又未至於，但用完效果的確靚好多同無咁易刮甩，試過有時買咗D色唔係咁滿意，搽返層無論顏色同亮澤感都提高咗，望落仲有啲似 gel甲嘅效果。

缺點係價錢偏貴，顏色係靚，但未到好自然，粧感都係明顯果隻，不過其他方面就幾好，例如佢個擦頭沾取平均，容易控制份量，仲有定形效果夠持久但又唔會硬梆梆死實實咁。

我覺得呢隻唇彩嘅缺點係質地有啲黏同唔太持久，好快就要補妝。優點係顏色同效果都靚，搽上嘴有啲果凍質感，閃亮又唔會太誇張，雙唇望落更晶瑩剔透。

我又唔算好熱愛搽指甲油，今次行開見到啲款式好吸引，試上手又好鍾意呢隻顏色所以順便買支玩下，質地唔錯，搽上指甲幾順滑均勻。

本身容易有倒刺問題，所以都會用下護甲產品，試過有啲太油膩放棄咗，今次試呢隻好在吸收力快又唔笠，修護效果未算同類用品最出色，不過係有改善咗嘅。

依家出咗唔少多功能嘅彩粧用品，呢隻可以同時當唇彩同胭脂我覺得就幾好用，講顏色佢就比較大路穩陣，無咩特別，質地柔軟容易推勻，效果亦非常自然。

質地唔算清爽，但可以接受，有少少淡香，個人幾鍾意，亦係吸引我買嘅原因，防曬效果一般，用完都係有少少黑咗，但防曬傷就唔錯，keep到肌膚水份無咩流失。

我對呢隻非洲海檀木油就無咩認識，不過樽磨砂就唔錯，幾好用。質地幼滑，磨完砂肌膚變得更滑淨，仲好夠滋潤保濕，完全唔會覺得乾燥。

Paul&Joe 水凝啫喱胭脂霜質地順滑，容易推開，只要用手指慢慢掃勻就可以，使用方便快捷，出來有種自然通透的亮澤感，顏色看起來很柔和。

早輪男友狀態麻麻，又黑眼圈又無神，嚇到一直對護膚無咩所謂嘅佢即便是叫我幫手買返支眼霜打救下，我見價錢唔貴送俾佢，佢話覺得幾好用，搽上去清爽唔笠，整體評價唔錯咁話～

Kanebo呢支雙頭眉筆用起嚟係幾方便，一邊係眉筆一邊係眉粉，個人比較鍾意用眉粉果邊，效果幾自然，眉筆筆芯太硬幾難畫，變咗好少用。

呢雙粉底專為亞洲女士而設，質地透薄幼滑，效果方面我覺得佢修飾毛孔唔錯，肌膚望落去細緻咗不少，但如果面上較深嘅色斑或痘印就唔夠力要另外加遮瑕膏。