hehawewa

粉餅幾好用，粉質幼滑細緻，容易推開，用粉撲輕撲上面，薄薄一層，透明感高，遮暇力強，雀斑、暗瘡印等小暇疵都遮到80%，而且佢好保濕水潤，妝感貼服，持久自然。

化妝掃久唔久就要清洗，如果唔係會積聚好多細菌，用嚟化妝就好容易生暗瘡、粉刺。呢支粉底掃就注入強效抗菌及抗污染的活性炭和銀離子，有效防止細菌於粉底掃中積聚。化妝掃質地柔軟，而且金屬色柄，配淺灰色毛，好有質感。

對Bobbi Brown嘅化妝掃情有獨鍾，毛質柔軟，掃上面唔拮又舒服，可惜去旅行就唔方便帶佢，太大支難收藏，所以呢個迷你掃套裝一出，心買！黑金掃柄好有型，加埋個仿皮質地掃盒，四四方方，型仔又別緻。

第一次用火山泥產品就係呢個品牌嘅美膚泥漿，質地好濃稠，比較難推開，好似厚敷，觸感好冰涼，敷面有少少刺痛感，而且過水好難洗乾淨，用過幾次就放埋一邊了。

成日懶得敷面膜，用Sleeping mask作為最後護膚程序就最啱我。面膜質地輕盈透薄，皮膚吸收得很好，保濕度又高，第二朝肌膚好水嫩，化妝嘅話，妝感都特別貼服。

我用嘅係朋友送嘅試用裝，都係個樽裝住，但就細啲，包裝一樣咁精緻。面膜質地細滑，易推開，皮膚瞬間吸收，不油膩，保濕補水，同時深層滋潤肌膚，仲有好香嘅蘭花味，一個星期敷兩次，肌膚變得水嫩細緻、有彈性。

第一次用滾珠筆式面膜，完全唔會整到雙手，可以一邊用滾珠按摩臉部，一邊做其他嘢，敷完又唔使過水，真係好方便又慳時間，啱晒我呢啲平日懶得敷面膜嘅人。質地係白色乳液，初時用要小心力道，太大力唧多就浪費啦～保濕美白效果都唔錯，如果價錢平啲，可以一星期用多幾次就更好。

呢支爽膚水質地濃稠，雖然容易推勻，皮膚吸收很快，保濕力強，但拍上面會有少少黏笠笠，油性皮膚可能就唔太啱，我混合性皮膚都係選擇秋冬先用佢。

質地比想像中清爽，吸收非常快，溫和唔刺激皮膚，用後潤澤清新、唔黏笠，肌膚都變得亮澤有光采。味道方面，個人覺得佢蜜糖味太重，如果淡味啲會較好。

爽膚水含有精華液成份，質地似水混合乳液，滲透度高，皮膚吸收好快，唔油唔笠，朝早有時貪快拍完呢支爽膚水，就搽隔離霜同上粉，妝都好舒貼自然。

瓶口係按壓式唧頭開關設計，爽膚水唔會直接接觸到手或化妝棉，可以控制用量，唔使擔心一時失手倒出太多。保濕效果很好，唔乾唔油，肌膚水潤清爽，美白效果都唔錯。

爽膚水係御庭蘭花系列中最平嘅保養品。質地有點黏稠嘅水狀，滲透度高，輕拍皮膚已經吸收晒，有飽和水潤感，肌膚緊實有光澤。