hehawewa

質地水潤易推，延展性佳，保濕力強，顏色初時會覺得較深色，但搽上面其實好貼近膚色，好自然，唔會死白。控油程度唔錯，唔浮粉，只係T字位出少少油，妝感持久度高。

壓頭設計可以好好控制用量，好容易推開，質地比較偏粉底液，同一般BB霜相比較厚重，滋潤感較高，適合冬天用多啲。遮瑕效果比較好，一般痘疤、黑眼圈、毛孔都可以遮到80％以上，妝感透薄偏霧面，不易脫妝、浮粉。

用後覺得膚色明顯提亮不少，臉上暗沉同臘黃都冇咗，望落白咗。搽完再用粉餅，妝感服貼自然，皮膚好水嫩光澤感，有裸妝感，可惜遮暇力道稍嫌不足，臉上比較多暇疵要用遮暇再補救先得。

買咗粉紅色嗰種，質地水潤易推，少少就可搽勻全面，有細緻嘅珠光，臉色唔會死白，貼服透薄，遮暇力爭少少，暗瘡印唔係好遮到，控油相對上好啲。

瓶身好有質感，不過都幾重。乳白色底霜帶有啞珠光亮粉，質地偏濃稠，但好水潤易推，用量唔使太多，否則上粉底好易有擦膠碎，同埋一定要等佢乾透先上妝，底妝好貼服自然，有效遮蓋毛孔、均勻膚色，控油好好，妝容持久度高。

夏天用唇彩密度高啲，因為唇膏易溶變質又易斷，唇彩就冇呢個煩惱，不過本身又好怕唇彩搽到個嘴油笠笠。呢支質地柔滑、唔黏笠，而且保濕滋潤，顯色度高，又帶有珍珠光澤，自然好氣色。

好多人都唔鍾意指甲油嗰陣難聞嘅味道，呢支小黑裙指甲油加入咗紅莓同花瓣香氣，味道好甜。好易上色，顏色飽滿亮澤，而且好快乾，唔易甩色。

以往多數OPI指甲油，第一次用呢個品牌嘅買指甲油，因為鍾意用佢啲化妝品，所以想試埋指甲油得唔得。指甲油味道唔算好重，質地比較水狀，支掃都叫好用，好容易推開，好快乾，但顯色度就比較普通，要上第二層才會有飽和感。

金屬材質刻上guerlain字樣，外殼包裝精緻又奢華。睫毛液好易上手，對著睫毛由下往上梳，已經好捲曲，根根分明，自然延長，可惜效果唔持久，只維持到兩、三個鐘。

呢支眼線筆好好用，我用嘅係咖啡色眼線筆，畫眼線時好順手，上色度很好，而且顏色亮澤，持久度又高，整日都唔會化開，一支可以用好耐，不過有個缺點，筆尖好易斷。

眼皮好容易出油，所以要用唔會化開嘅眼線對我好重要。呢支係排頭5名內，超持久、超亮澤，但好難用，新手化妝唔建議用，掃超幼細，可以畫出好幼嘅眼妙，但因為質地好水，好易沾到眼睫毛，而且佢好快乾，所以要快啲抹走。

以前用過嘅眼部打底大部分都係筆狀隔離霜為主，底霜質地偏硬，用手指難沾起來，但用跟盒個掃就可以慢慢上落眼皮，感覺似膏狀轉為粉狀，清爽唔乾身，控油同持久度都唔錯，唔會有一畫喺眼皮。