hehawewa

本身油脂分泌勁，T字位經常爆瘡，經朋友介紹用呢隻澳洲出嘅茶樹油潔面露，洗完臉皮膚感覺好清爽，用咗一排，暗瘡出少咗，皮膚都冇咁紅。

質地水潤，好易推開，擠少少已經可以搽勻塊面，搽上臉感覺清爽，冇多餘油脂，而且唔黏笠，搽完防曬再化妝都唔會浮妝，控油度唔錯。

質地偏水狀，但唔會擠出嚟漏到成手都係，而且好好推，搽上臉吸收好快，感覺清爽，完全不黏笠，至於美白就唔覺，係用咗冇曬黑囉！

透明質地，幼滑易推，加少少水就起到泡，洗完臉好清爽唔黏笠，性質溫和，皮膚唔會太過乾同綳緊，咩肌膚都啱用。

我係滴露沐浴露嘅忠實粉絲，屋企長期都會買佢，呢隻青瓜味出咗之後，就淨係買呢隻味，勁好聞，沖完涼又清爽舒服，唔乾唔笠，正！

質地同其他品牌嘅卸妝膏差唔多，拎上手好易捽開，搽上面好快就慢慢溶解，有好濃嘅玫瑰香味，但過水後覺得卸得麻麻地乾淨。

Crabtree & Evelyn咁多個系列中，最鍾意Spider Lily呢隻味，味道香得嚟唔會過濃，又易起泡，洗完手唔會好乾，仲有淡淡香味留喺手。

香味濃得滯，保濕效果一般，敷完好快就覺得皮膚唔夠潤，而且面膜有啲難攤開，同面型唔夾，又唔夠貼面，敷住嗰10分鐘覺得好唔舒服。

每次沖涼擠一下就夠，容易起泡，沖涼時已經有淡淡嘅薰衣草香味，沖涼後陣味依然keep住，精神好似特別放鬆，上床好快瞓得著。

嚟M前後，特別大陣味，用咗施巴呢隻女性護理潔膚液，感覺好清爽自在，難聞味道都冇再出現，依家keep住日日用，唔會痕唔會敏感，very good!

Chanel呢個眉部彩妝盒內有3隻色，可以混合用，上色效果唔錯，幾貼服自然，最鍾意佢個盒入面塊放大鏡，平時帶出街仲可以用嚟照住搽唇膏。

男朋友一邊眉生得好雜亂，幫佢修完已經好返啲，但始終眉尾都係飛飛下，竟然俾我喺body shop發現有眉gel，化妝品真係無奇不有！即刻買俾佢試，定型效果一般啦～