hehawewa

個包裝設計幾靚，細細盒收藏容易，價錢平，顏色又多，買多幾盒都得。最重要佢好用，質地軟身易推開，搽少少已經好顯色！

呢款遮暇麻麻地，唔推薦！質地偏厚身，但唔算難推開，不過黑眼圈勁要搽多少少先遮到，而且控油度唔高，保濕程度又一般，好快出乾紋。

質地好creamy，好易推開，黑眼圈、細紋基本上都遮得到，但如果本身皮膚乾，或者保濕做得唔夠，好快就會浮起，出現乾紋。

粉質好細滑，好易上妝唔厚粉，感覺好自然，控油同妝感持久度高，但唔太鍾意佢個設計，首先要用掃唔可以用粉撲，隔粉個度又好難打開。

之前網上勁多人講呢隻碎粉，好奇之下買嚟試，佢係我用過最差嘅碎粉，質地係滑嘅，但上妝感覺好厚，但控油差，遮暇度麻麻，仲有就係個色太白、太白、太白！

蜜粉好幼細柔滑，跟盒個粉撲好靚、好柔軟，拍粉上臉好舒服，定妝、控油持久力一般，全日需要補2-3次妝，而且我嫌佢顏色太白。

粉末細緻幼滑，定妝力持久，控油力都唔錯但略嫌過白，本身皮膚黑底唔啱用，而且個盒太大，唔方便帶出街補妝，建議買補充裝入另一個盒。

質地好柔滑，胭脂粉好容易就掃到上妝，顏色好靚，單色用又得，兩隻色混合用又得，混合用個層次感會重啲，妝感效果好自然。

非常唔好用，冇效果，眼霜質地好厚身，好難吸收，搽完好似有層油敷住咁，用咗幾日，出晒油脂粒，咩有效減淡細紋、黑眼圈完全感覺唔到。

質地尚算幼滑，易推易上妝，但感覺好乾，好快就浮粉同出油，搞到個妝一撻撻，好核突，整體嚟講，覺得唔好用。

質地幼滑輕盈，好易推，滲透度高，皮膚好快吸收，搽完再化妝，眼紋明顯冇咁勁，長期用相信可以減淡細紋同黑眼圈。

棉布面啫喱狀嘅眼膜，摸上手好得意，而且佢黏貼力高，即使搽咗臉霜再敷，四圍行都唔會跌。除咗敷眼，佢仲可以敷虎紋位，一盒我可以用一個月。