hehawewa

第一次用粉狀嘅去角質產品，一打開已經聞到好香嘅燕麥味，加水好易推開，搽上感覺到啲粒粒清潔緊毛孔，過水後皮膚一啲都唔乾，而且又白又潤滑。

卸妝油嚟講，質地唔算厚身，用嗰陣感覺係油啲，但卸妝能力高，基本底妝好容易就抹走，而且易過水，洗得好乾淨，又唔會太乾。

味道幾好聞，容易起泡，洗完塊面好乾淨，感覺都唔算太乾，不過個人認為夏天用會啱啲，冬天會略嫌有啲綳緊。試一就夠，唔會再買。

呢支玫瑰水噴霧好好用，噴幾下已經好保濕，皮膚好水潤，仲可以控油，買咗支擺喺公司，有時冷氣太勁覺得皮膚勁乾，噴兩下塊面即刻滋潤晒！

質地杰身但好容易推開，少少份量已經可以搽勻雙手，而且吸收快、滲透力高，又唔黏笠油膩，最重要係乾紋、倒刺都明顯少咗。

草本成份嗰種味道真係見仁見智，佢係有少少攻眼，但呢個品牌保證天然，肯定冇激素等添加物質，用咗眼紋係少咗，但個價錢實在太貴，試一次就夠。

媽媽生日嗰陣送咗一盒俾佢試下，佢用咗2個月後，明顯見到眼紋淡咗。乳霜質地易推開，皮膚吸收快，滋潤得嚟唔油笠，唔會搞到生油脂粒。

朝朝瞓醒對眼都好腫，大半日都未消腫，自從化妝前用水凝霜喺眼周打圈按摩，唔單只上妝容易咗，眼腫情況都好快消失咗，同埋眼紋都減淡咗。

根據膚質，選擇適合號碼嘅潔膚水，我屬於混合偏乾性，用2號最啱，雖然有酒精成分，但唔刺激皮膚，容易吸收，用嚟抹面感覺好乾淨。

呢支絕對係皮膚救星，夏天曬傷、轉季甩皮、皮膚敏感，都係用佢自製面膜敷面，通常一兩日就見效。佢係透明水狀質地，清爽唔黏笠，所有膚質都啱用。

未用前睇評價，有人話笠，有人話唔笠，我覺得介乎中間，但明顯皮膚吸收慢，可能配合ion機做導入會好啲，用咗一排皮膚質素好咗、白咗。

經朋友介紹用咗同品牌嘅茶樹油潔面露，覺得好work，後來發現佢有出暗瘡就買嚟試，質地係濃稠嘅啫喱，擠少少搽喺豆豆度，好快就謝。