hehawewa

性價比高嘅染眉膏，本身條眉又黑又濃又粗，染咗淺色髮色，如果唔染埋條眉感覺好古怪，朋友介紹話呢支染眉膏唔錯，顏色同我髮色配合到，每次都keep到一星期。

呢支眉筆好易畫，顏色又夠柔滑，輕輕一畫已經有效果，但我略嫌佢啲色上得太實，輕力啲畫感覺又麻麻，最終轉送咗俾朋友。

個人嚟講鍾意佢有得refill，夠晒環保，而且佢好易畫，上色自然，先用筆勾畫眉形，再用另一邊棉頭輕印眉粉再掃上眉，效果非常自然。

一向好鍾意canmake產品，尤其係呢個古銅修容光影胭脂，一盒就可以做到打陰影同上胭脂，唯一唔好覺得跟盒個掃麻麻地好用，上鼻影位有啲難。

RMK兩用眼影胭脂棒，方便易用，好似支筆咁輕輕一畫已經上到色，想睇落冇咁實，可以再用手指捽一捽，顏色會更加加柔和自然。

俾佢特別嘅胭脂分佈吸引就買咗返嚟試，跟咗支專用胭脂掃，原來先喺胭脂中間位用打圈方式取出胭脂掃上臉，跟住再喺胭脂外圍拎淡色啲嘅胭脂掃喺臉，造出光影感，效果好自然。

貪佢有粉撲又有鏡嘅設計，帶出街好方便，但每次上胭脂時都好難控制，有時會拍得多得滯，啲胭脂粉又會灑到成身成地都係。

霜狀質感好幼細順滑，輕輕用手指在胭脂面壓一壓，即可溶化取出，塗少少效果已經好明顯，感覺好自然，而且細細盒，帶出街非常方便。

第一眼已經好鍾意，胭脂盒又閃又靚，以花瓣造型排列嘅脂胭簡直令我心心眼，而且佢仲有珍珠光影色效果，用佢本身提供嘅粉撲好容易就打造到立體感。

比較少用身體磨砂，但久唔久都要用下，去下角質死皮，尤其對腳，唔磨唔知咁多死皮，黃糖成份磨完感覺幾滋潤舒服，皮膚仲好滑。

相比起其他睫毛液，睇埋個價錢，唔算話好好用，不過不失，易上易塗，睫毛根根分明，但唔夠順滑，好多黑色一點點跌落面。

好用，不易脫妝，真係做到增長同翹曲效果，但感覺容量有啲少，而且好易乾，開咗唔夠半年就變硬咗，啱日日會化妝嘅人用多啲。