hehawewa

淡淡藍色嘅爽膚水，質地輕盈透薄，味道清爽，滲透度高，皮膚吸收快，水潤保濕，但夏天朝早用可能會覺得有啲笠，整體效果唔錯。

乳霜質地，呈蜜糖色，感覺有好多蜂皇精華喺入面。觸感柔滑，好易推開，滋潤度好高，保濕效果唔錯，唔黏笠，而且可以修飾細紋。

乳霜質地厚實豐潤，好易推開，擠少少可推勻成塊面，細膩輕盈又滋潤，保濕力強，滲透度高，唔會覺得油笠笠，仲有淡淡嘅花香味，清新舒服。

好鍾意用卸妝膏，膏狀質地帶點水潤感，好易推開再邊按摩邊卸妝，卸妝力強，防水彩妝都可以徹底卸走，沖水後皮膚感覺好清爽，唔乾唔笠，仲好鎖水保濕。

用前要先搖均勻，倒出嚟係淡藍色液體，用量唔需要太多，卸得非常乾淨，就算整到對眼都唔會有刺痛感，感覺好溫和，又唔油笠笠，係價錢貴咗啲，試過唔會再買。

質地好特別，介乎水同啫喱之間，有清爽嘅花香味，溫和不刺激，清潔力比想像中好，眼妝都卸得幾乾淨，卸完又唔會油笠笠，好清爽舒服。

白色乳狀質地，溫和唔刺激肌膚，同時洗淨毛孔同去除角質，清潔力佳，有效美白、改善暗沉。起泡容易，泡泡綿密細緻，易沖淨，洗完皮膚唔乾唔繃緊。

質地同一般慕絲產品差唔多，唔使另外再起泡，每次撳兩三下就夠，不過泡泡彈力略嫌不足，好容易就散，想按摩同做深層清潔恐怕有啲難，保濕力相當夠，塊面好水潤，唔會乾同繃緊。唯一唔好嘅係，慕絲產品好快就用完一支。

有珍珠磨砂微粒，可以一邊洗臉一邊微微去角質。泡泡唔多，清潔力唔錯，洗完臉完全唔乾、唔繃緊，如果臉有小粉刺，用少少捽，都可以洗走。美白效果就唔太覺眼，但膚色感覺明亮咗。

質地類似沐浴乳，用起泡網起泡，泡泡綿密細緻，每次少少用量就可以。用後塊面好乾淨、有緊實感，但唔會覺得好乾，好保濕嫩滑。

白色乳液狀質地，滲透度高，按摩吸收完肌膚保濕度有提升，搽完塊面望落好似有層油膜，但唔會覺得油笠笠，好水潤保濕，上妝前用，妝感好服貼。

瓶身好有質感，不過都幾重。乳白色底霜帶有啞珠光亮粉，質地偏濃稠，但好水潤易推，用量唔使太多，否則上粉底好易有擦膠碎，同埋一定要等佢乾透先上妝，底妝好貼服自然，有效遮蓋毛孔、均勻膚色，控油好好，妝容持久度高。